ដោយ ៖ ម៉ៅ បុប្ផាមករា
ថ្ងៃទី 20-04-2011 ម៉ោង 16:56:37
អង្គការសុខភាពពិភពលោក ហៅកាត់ថា “WHO” បាន ជំរុញឱ្យបង្កើនការចាក់វ៉ាក់សាំងការពារជំងឺរបេងឱ្យបានច្រើន ថែមទៀត ដើម្បីបញ្ចៀស និងលុបបំបាត់រោគឆ្លងមួយនេះឱ្យផុតរលត់នៅក្នុងអំឡុងប៉ុន្មាន ឆ្នាំខាងមុខនេះ។
ប្រភព ព័ត៌មានថ្មីមួយពី ជេណេវ៉ា បានចុះផ្សាយថា អង្គការសុខភាពពិភពលោកកំពុងតែរឹតបន្ដឹងការផ្ដល់ថ្នាំបង្ការ ឬវ៉ាក់សាំងការពារជំងឺរបេង ដើម្បីការពារ និងទប់ស្កាត់ការឆ្លងរាលដាលរោគសួតដែលបង្កគ្រោះថ្នាក់ដល់សង្គម ជាតិនាពេលបច្ចុប្បន្ននេះ។
គួរ រំឭកថា បើតាមរបាយការណ៍មួយចេញដោយការិយាល័យស្ថិតិជាតិប្រយុទ្ធនឹងជំងឺ របេងនៅក្នុងប្រទេសសិង្ហបុរី បានបញ្ជាក់ថា កាលពីឆ្នាំមុនមានករណីកើតឡើងច្រើនដោយសាររោគរបេងនៅក្នុងប្រទេស នេះ។
បើ យោងតាមរបាយការណ៍រីកចម្រើនមួយដែលគេបានកត់សម្គាល់នៅក្នុងថ្ងៃ ប្រារព្វខួបប្រយុទ្ធប្រឆាំងរោគរបេង កាលពីថ្ងៃព្រហស្បតិ៍ម្សិលមិញនេះបានឱ្យដឹងថា តាមការប៉ាន់ប្រមាណអ្នកដែលរងគ្រោះដោយរោគរបេងចន្លោះពីឆ្នាំ ២០១១-២០១៥ អាចមានចំនួន២លាននាក់ និងអាចមានលើសពីនេះទៀត ចំពោះអ្នកដែលមិនបានទទួលការត្រួតពិនិត្យល្អិតល្អន់លើរោគនេះ។
នាយកប្រតិបត្ដិមូលនិធិប្រយុទ្ធ ប្រឆាំងរោគអេដស៏ និងរបេង Michel Kazatchkine បាន និយាយថា “ រោគរបេងកំពុងរាតត្បាត និងគំរាមកំហែងដល់បណ្ដាប្រទេសជាច្រើននៅលើពិភពលោក។ វាពិបាកក្នុងការព្យាបាលណាស់ ដោយត្រូវទាមទារពេលវេលា និងប្រាក់កាសច្រើនណាស់សម្រាប់ព្យាបាលឱ្យជាសះស្បើយ”។
លោក បានថ្លែងនៅក្នុងនៅក្នុងសេចក្ដីថ្លែងការណ៍មួយថា “ដរាបណាដែលយើងប្រឆាំងនឹងវា ហើយការប្រឆាំងនេះ មានតែការបង្កើនការចាក់វ៉ាក់សាំង ដែលជាផ្នែកមួយដ៏សំខាន់ក្នុងការទប់ស្កាត់ និងមិនឱ្យរោគនេះមកយាយីដល់ពួកយើងបាន”។
អង្គ ការសុខភាពពិភពលោកបានប៉ាន់ប្រមាណថា ពួកគេត្រូវការថវិកាប្រមាណ៩០០លានដុល្លារ ដើម្បីយកមកប្រើប្រាស់ និងប្រយុទ្ធប្រឆាំងរោគមួយនេះ ហើយគម្រោងការប្រយុទ្ធប្រឆាំងរោគនេះនឹងអាចមានដល់ទៅ៤ឆ្នាំ។ ម្យ៉ាងទៀតនេះជាគោលដៅមួយក្នុងការព្យាបាលអ្នកជំងឺរបេងប្រមាណជា ១លាននាក់ និងបន្ដត្រួតពិនិត្យតាមដានអ្នកឆ្លងរោគនេះផងដែរ។
គួរ បញ្ជាក់ថា នាពេលបច្ចុប្បន្ននេះ មានពលរដ្ឋដែលកើតរោគនេះ ហើយកំពុងសម្រាកព្យាបាលជិត៥០ពាន់នាក់។ អង្គការដដែលនេះបានបញ្ជាក់ថា នៅក្នុងឆ្នាំ២០០៩ មានពលរដ្ឋដែលកើតរោគរបេងប្រមាណជា៩.៤លាននាក់ ហើយមានតួលេខមួយបង្ហាញឱ្យដឹងដែរថា មានអ្នកជំងឺរបេងប្រមាណ១.៧លាននាក់ដែលបានបាត់បង់ជីវិត៕
![Highslide JS](http://www.nokorwatnews.com/files/200411vancinnetuberculosis.jpg)
0 comments:
Post a Comment