ដោយ ៖ ម៉ៅ បុប្ផាមករា
ថ្ងៃទី 28-03-2011 ម៉ោង 15:33:02
ក្រុម អ្នកស្រាវជ្រាវមួយចំនួននៅសហរដ្ឋបានបញ្ជាក់ថា ជំងឺគោឆ្កួតបានបង្កផលប៉ះពាល់ដល់សុខភាពសាធារណៈខ្លាំងក្លានៅ ពេលដែលក្រុមមនុស្សបានទទួលទានសាច់គោដែលមានមេរោគនេះ ហើយវាបានធ្វើខូចប្រព័ន្ធប្រសាទទើបបណ្ដាលឱ្យអ្នកជំងឺស្លាប់បា ន។
អ្នក ស្រាវជ្រាវភាគច្រើនតែងតែយល់ឃើញថា ករណីដែលបង្កឡើងដោយវីរុសដែលបង្ករោគឆ្កួត គឺមិនមែនមានតែលើសត្វពាហនៈ ដូចជាគោ ក្របី ឬសេះ និងសត្វចិញ្ចឹមកូនដោយទឹកនោះទេ។ វីរុសនេះក៏បង្កដល់មនុស្សផងដែរ នៅពេលមនុស្សបានប៉ះពាល់ ឬយកសាច់សត្វដែលមានមេរោគទៅទទួលទាន និងមិនបានចំអិនឱ្យបានត្រឹមត្រូវ។
ការ សិក្សាស្រាវជ្រាវបានរកឃើញថា ជំងឺប្រភេទនេះកើតឡើងដោយមេរោគដែលបំផ្លាញកោសិកាខួរក្បាល ហើយក្រោយមកទើបធ្វើឱ្យអ្នកជំងឺស្លាប់បាន ករណីនេះនឹងអាចបាត់បង់ជីវិតក្នុងរយៈពេលខ្លីទៀតផង។ ក្រុមអ្នកស្រាវជ្រាវបានបន្ដថា អ្នកដែលមានរោគបែបនេះប្រឈមមុខនឹងការស្លាប់ ព្រោះពេលនេះមិនទាន់មានថ្នាំព្យាបាលឱ្យជាសះស្បើយនៅឡើយទេ។
ប៉ុន្ដែ ក្រុមអ្នកស្រាវជ្រាវបានលើកឡើងថា ពួកគេកំពុងតែព្យាយានតាមដាន និងធ្វើតេស្ដសាកល្បងរកមើលពីកំហូចលើកោសិកាដែលបង្កឡើងដោយ វិរុសបង្ករោគឆ្កួត។ ការធ្វើបែបនេះ វាជាមធ្យោបាយមួយដែលអាចឱ្យពួកគេ ដឹងជាមុនចំពោះការបង្ករោគ និងអាចការពារ និងទប់ស្កាត់ការរីករាលដាលទៅកន្លែងផ្សេងទៀត ដែលបង្កគ្រោះថ្នាក់ធ្ងន់ធ្ងរដល់អ្នកជំងឺកាន់តែខា្លំងឡើងថែមទៀ ត។
ក្រុម អ្នកស្រាវជ្រាវជឿជាក់ថា ជំងឺប្រភេទនេះអាចឆ្លងពីសត្វមកមនុស្សតាមរយៈការបរិភោគសាច់ សត្វដែលមានមេរោគនេះ ហើយនេះជាក្ដីបារម្ភមួយដែលមនុស្សគ្រប់គ្នាឈ្វេងយល់អំពីបញ្ហា នេះ។
ការ សិក្សាថ្មីមួយបានបញ្ជាក់ថា “ការចម្លងរោគធ្ងន់ ឬស្រាលវាស្រ័យលើបរិមាណរបស់មេរោគករណីនេះយើងអាចកត់សម្គាល់បាន ថា អ្នកដែលបរិភោគសាច់សត្វដែលមានមេរោគ បង្កជំងឺខ្លាំងក្លាវានឹងបង្ករោគមកលើមនុស្សក៏ខ្លាំងក្លាដែរ ”។
គួ ូររំលឹកថា ជំងឺគោឆ្កួតវាបង្កឡើងមុនគេនៅអឺរ៉ុបក្រោយមករាលដាលដល់ អង់គ្លេស និងអាមេរិកដែលកើតមានរោគនេះច្រើនជាងគេ ហើយវាជាបញ្ហាមួយដែលក្រុមអ្នកវិទ្យាសាស្ដ្រ ជាច្រើនកំពុងតាមដាន និងស្រាវជ្រាវ និងរិះរកមធ្យោបាយដើម្បីទប់ស្កាត់ជាមុនចំពោះរោគមួយនេះ។
ក្រុម អ្នកស្រាវជ្រាវ និងអ្នកវិទ្យាសាស្ដ្របានផ្ដល់ដំបូន្មានថានៅពេលសង្ស័យ និងមានលេចឮថាសាច់សត្វមានរោគខាងលើមែននោះប្រការសំខាន់ ការចំអិនទាមទារឱ្យឆ្អិនល្អ។
ប៉ុន្ដែ បច្ចុប្បន្ននេះមិនទាន់មានការអះអាងនៅឡើយទេ ចំពោះការស្រាវជ្រាវ និងរកឃើញវ៉ាក់សាំងការពាររោគឆ្កួតនេះតែក្រុមអ្នកស្រាវជ្រាវ បានរំពឹងថា នឹងអាចរកឃើញក្នុងពេលដ៏ខ្លីខាងមុខ។ បញ្ហានេះមិនទាន់ចោទខ្លាំងនោះដែរ ព្រោះជំងឺនេះបានស្ងប់ទៅវិញហើយតែទោះជាយ៉ាងនេះក្ដី យើងក៏គួរប្រុងប្រយ័ត្នខ្ពស់ ព្រោះវាជាប្រភេទជំងឺឆ្លង៕
0 comments:
Post a Comment