ដោយ ៖ ម៉ៅ បុប្ផាមករា
ថ្ងៃទី 09-03-2011 ម៉ោង 10:33:04
បើ តាមការស្រាវជ្រាវថ្មីមួយបានឱ្យដឹងថា ការទទួលទានសូដា អាចបង្ករោគដាច់សរសៃឈាមខួរក្បាល។ មជ្ឈមណ្ឌលអន្ដរជាតិស្រាវជ្រាវរោគដាច់សរសៃឈាមបានលើកឡើងថា ការទទួលទានសូដា អាចបង្ករោគដាច់សរសៃឈាមដល់ទៅ៥០ភាគរយ។
ការ ស្រាវជ្រាវបានឱ្យដឹងថា តាមរយៈការសិក្សា និងដកបទពិសោធន៍អស់រយៈពេលជាង៩ឆ្នាំបានរកឃើញថា មនុស្សពេញវ័យចំនួន២.៥០០នាក់ ដែលបានទទួលទានសូដាលទ្ធផលបានបញ្ជាក់ថា ៤៨ភាគរយទទួលរងគ្រោះដោយសាររោគដាច់សរសៃឈាមខួរ ក្បាល។ ការស្រាវជ្រាវបានបន្ដឱ្យដឹងថា ក្រៅពីរោគមួយនេះ គេអាចវាស់ស្ទង់ និងដឹងថាវាអាចបង្កជារោគទឹកនោមផ្អែមផងដែរ។
ផ្អែក តាមលទ្ធផលជាច្រើនបង្ហាញឱ្យឃើញថា ចំពោះលទ្ធផលទាំងឡាយដែលពាក់ព័ន្ធនឹងការទទួលទានសូដានេះ ក្រុមអ្នកស្រាវជ្រាវមិនបានបញ្ជាក់អំពីមូលហេតុផ្សេងទៀតនោះទេ។
ក្រុមអ្នកស្រាវជ្រាវបាននិយាយថា តើការទទួលទានសូដាពិតជាទទួលបានសុវត្ថិភាពខ្ពស់សម្រាប់សុខភាពមែនឬទេ ? ជា ការពិតណាស់មិនមែនបែបនេះ ទេវាជាសារធាតុម្យ៉ាងដែលបង្កបញ្ហាច្រើនដល់សុខភាពនៅពេលដែល យើងបានទទួលទានវាជាប្រចាំថ្ងៃ។
ការ ស្រាជ្រាវដាច់ដោយឡែកមួយទៀតបានបញ្ជាក់ថា ការទទួលទានសូដាមិនត្រឹមតែបង្ករោគខាងលើនេះទេ វាអាចធ្វើឱ្យកើតទម្ងន់ខុសពីធម្មតា ដែលនេះជាបញ្ហានៅពេលអនាគត។
កន្លង មកមានការស្រាវជ្រាវមួយបានបញ្ជាក់ថា សូដាជាសារធាតុម្យ៉ាងដែលជំនួយដល់ការកាត់បន្ថយជាតិស្លេស្ម និងអាចយកមកព្យាបាលរោគផ្ដាសាយ នេះគ្រាន់តែជាការចុះផ្សាយមួយប៉ុណ្ណោះ។ ប៉ុន្ដែរហូតមកដល់ពេលនេះ មិនទាន់មានឯកសារណាមួយបញ្ជាក់ ថាសូដាមានប្រយោជន៍បែបនេះនៅឡើយទេ៕
0 comments:
Post a Comment