ការផ្លាស់ប្តូររបៀបរស់នៅងាយៗអាចធ្វើអោយពិភពនៃដំណេករបស់អ្នកមានលក្ខណៈប្រសើរឡើងបាន។
ចូរធ្វើទៅតាមមធ្យោបាយទាំង ១០យ៉ាងខាងក្រោមនេះដើម្បីជាជំនួយដល់អ្នកក្នុងការសម្រាកនៅពេលយប់បានកាន់តែស្រួល។
១, កំណត់ពេលវេលាអោយទៀងទាត់
ការ ចូលដេក និងការក្រោកពីដេកធ្វើយ៉ាងណាក៏អោយត្រូវតែស្ថិតក្នុងពេលវេលាមួយ ដូចគ្នាទាំង អស់ជារៀងរាល់ថ្ងៃទើបធ្វើអោយរាង្គកាយរបស់អ្នកទទួលទានដំណេកបាន ល្អជាងមុន។ ចូរជ្រើសរើសពេលវេលាមួយដែលអ្នកទំនងជាមានអារម្មណ៍ងងុយដេកខ្លាំង បំផុត។
២, បង្កើតនូវមជ្ឍដ្ឋានដែលធ្វើអោយដេកលក់ស្រួលមួយ
បន្ទប់ដេក របស់អ្នកគួរតែជាកន្លែងសម្រាប់សម្រាក និងដេក។ ចូរធ្វើយ៉ាងណាអោយបន្ទប់នោះមានលក្ខណៈស្ងៀមស្ងាត់ និងងងឹតតាមតែអាចធ្វើបាន។ វាមិនអោយក្តៅពេក ក៏មិនត្រជាក់ពេកដែរ។ ចំពោះអាកាសធាតុ ពន្លឺ និងសម្លេកគួរតែមានការគ្រប់គ្រង ដូច្នេះមជ្ឈដ្ឋានបន្ទប់ដេករបស់អ្នកនឹងធ្វើអោយអ្នកមានអារម្មណ៍ចង់ ដេកហើយ។
៣, ចូរប្រាកដថា បន្ទប់ដេករបស់អ្នកមានផាសុខភាព
វា មានការពិបាកក្នុងការដែលដេកលក់អោយបានស្រួលខ្លាំងណាស់ជាមួយនឹង ពូកដែលទន់ពេក ឬរឹងពេក ឬគ្រែដែលតូចពេក ឬចាស់ពេក។
៤, ហាត់ប្រាណជាទៀងទាត់
ការ ហាត់ប្រាណក្នុងកម្រិតមធ្យមជាទៀងទាត់ដូចជាការហែលទឹក ការដើរ សុទ្ធតែអាចជួយបំបាត់នូវភាពតានតឹងដែលផ្តុំគ្នាពេញមួយថ្ងៃបាន។ ប៉ុន្តែមិនត្រូវហាត់អោយខ្លាំងពេកដែលគៀកនឹងម៉ោងដេកទេព្រោះវា ប្រហែលជាអាចធ្វើអោយអ្នកភ្ញាក់បាន។
៥, កុំសូវទទួលទានជាតិកាហ្វេអ៊ីន
ចូរ កាត់បន្ថយសារធាតុភ្ញោចដូចជា កាហ្វេអ៊ីនក្នុងតែ ឬកាហ្វេ ជាពិសេសការទទួលទាននៅពេលល្ងាច។ វាសុទ្ធតែរំខានដល់ដំណើរការនៃការងងុយដេក ហើយវារារាំអ្នកមិនអោយដេកលក់ស្កប់ស្កលទេ។ ឥទ្ធិពលនៃសារធាតុកាហ្វេអ៊ីនអាចមានរយៈពេលយូររហូតដល់ ២៤ម៉ោងឯណោះ ដូច្នេះឱកាសដែលវាប៉ះពាល់ដល់ការដេកគឺជារឿងសំខាន់។ ចូរទទួលទានទឹកក្តៅ ទឹកដោះគោឬតែឬសឈើជំនួសវិញទៅ។
៦, មិនត្រូវបណ្តោយធ្វើទៅតាមចិត្តចង់ច្រើនហួសហេតុពេកទេ
ការ ទទួលទានអាហារ ឬស្រាច្រើនពេកជាពិសេសនៅពេលយប់ អាចរំខានដល់ដំណេករបស់អ្នកបាន។ ជាតិស្រាប្រហែលជាជួយអោយអ្នកងងុយដេកភ្លាមៗ ប៉ុន្តែវានឹងរំខានអ្នកមិនអោយដេកលក់នៅពេលយប់។
៧, មិនត្រូវជក់បារី
វា គឺជាទម្លាបដ៏អាក្រក់មួយសម្រាប់ការដេក។ អ្នកជក់បារីប្រើពេលវេលាយូរជាងសម្រាប់ការងងុយដេក ពួកគេអាចភ្ញាក់ពីដេកច្រើនដង ហើយតែងតែមានការរំខានដល់ការដេកជាញឹងញាប់។
៨, ព្យាយាមបន្ធូរអារម្មណ៍មុនពេលចូលដេក
ចូរ ងូតទឹកក្តៅឧណ្ឌៗ ស្តាប់តន្ត្រីលឺតិចៗ ដើម្បីបន្ធូរអារម្មណ៍នៅក្នុងចិត្ត និងរាង្គកាយ។ គ្រូពេទ្យប្រហែលជាអាចណែនាមអោយអ្នកប្រើ CD ដើម្បីបន្ធូរអារម្មណ៍បាន។
៩, សរសេរចេញអោយអស់អំពីការព្រួយបារម្ភរបស់អ្នក
ចូរ ដោះស្រាយនូវការព្រួយបារម្ភ ឬបន្ទុកការងារដ៏ធ្ងន់ធ្ងរតាមរយៈបង្កើតជាតារាងជាច្រើនដើម្បី ផ្តើមពិនិត្យលើវាសារជាថ្មីនៅថ្ងៃស្អែក។ ប្រសិនបើអ្នកមាននិន្នាការដេកនៅលើគ្រែសម្រាប់គិតអំពីរឿងដែល ត្រូវធ្វើនៅថ្ងៃស្អែក ចូរកំណត់ពេលវេលាអោយហើយមុនពេលចូលដេកដើម្បីរំលឹកសារជាថ្មី និងបង្កើតជាគម្រោងនៅថ្ងៃបន្ទាប់។ គោលបំណងគឺថា ចូរចៀសវាងធ្វើអ្វីៗទាំងអស់នៅពេលអ្នកចូលដេក និងកំពុងតែដេក។
១០, មិនត្រូវព្រួយបារម្ភក្នុងពេលដេក
ប្រសិនបើ អ្នកមិនអាចដេកលក់បានទេ ចូរមិនត្រូវដេកទាំងខ្លួនឯងនៅចិត្តមិនស្ងប់ឡើយ។ ចូរក្រោកឡើង ហើយធ្វើអ្វីមួយដែលអ្នកអាចបន្ធូរនូភាពតានតឹងបានរហូតដល់អ្នកមាន អារម្មណ៍ថាងងុយ ដេកម្តងទៀត ចាំវិលមកដេកវិញ។
អត្ថបទនេះត្រួតពិនិត្យដោយ៖ វេជ្ជ. ងួនសេរ័ត្ន (health.com.kh)
