១. លំហាត់ប្រាណដូចឆ្មាពន្យឺតខ្លួន ៖ ចាប់ផ្តើមដោយការអង្គុយលុតជង្គង់ រួចឱនដងខ្លួនចុះទៅផ្ទៃកម្រាល សន្ធឹង ដៃទាំងពីរទៅខាងមុខ ឱ្យដើមទ្រូងនឹងពោះ នៅកៀកនឹងកម្រាល រួចព្យាយាមលើកត្រគាកឡើងឱ្យខ្ពស់ នៅទ្រឹង ១០នាទី សឹមលើកជើងស្តាំសន្ធឹងទៅក្រោយ ឆ្លាស់ជាមួយ ជើងឆ្វេង។ នេះជាការពន្យឺតសាច់ដុំដែលជួយពង្រឹងសរីរាង្គ ក្នុងត្រគាក ការពារស្បូនស្រុត ថែមទាំងជួយបន្ថយភាពតានតឹងនៃសាច់ដុំជើង និងការពារប្ញសដូងបាត ផងដែរ។
២. លំហាត់ប្រាណស្ពានកោង ៖ ចាប់ផ្តើមដោយការ គេងរាបលើកម្រាល រួចបញ្ឈរជង្គង់ឡើង លើកត្រគាក ឡើងសន្សឹមៗ រួចនៅទ្រឹងមួយសន្ទុះ ដើម្បីជួយបន្ថយភាពតានតឹង និងដើម្បីបង្កើនភាពយឺតនៃសរសៃសាច់ដុំពោះ ត្រគាក និងក្នុងអាងត្រគាក។
៣. លំហាត់ប្រាណខ្ជឹបសាច់ដុំ ៖ ហាត់ខ្ជឹបទ្វារមាស ក្នុងពេលបន្ទោបង់ទឹកនោម ដោយមិនបញ្ចោញទឹកនោម ឱ្យអស់តែម្តង ក្នុងពេលតែមួយនោះទេ គឺសាកល្បងទប់ ទឹកនោមបន្តិច រួចបន្ធូរសាច់ដុំ ដើម្បីបញ្ចោញទឹកនោម មកទៀត ជារយៈៗ រហូតដល់អស់ទឹកនោម ឬក្នុងពេល ពោះទទេ ត្រូវហាត់ខ្ជឹបសាច់ដុំក្នុងអាងត្រគាក ប្រហែលជា ៥នាទី ជាប់ៗគ្នា ៥ដង យ៉ាងហោចឱ្យបាន ៣ដង ក្នុង១ថ្ងៃ៕
0 comments:
Post a Comment