- Monday, 19 March 2012 10:21
ក្រុមស្រាវជ្រាវរកឃើញថា បាយស (អង្កសម្រិត) មានទាក់ទងដល់ជម្ងឺទឹកនោមផ្អែមប្រភេទII
អ្នកស្រាវជ្រាវ Qi Sun មកពីមហាវិទ្យាល័យ Harvard អាមេរិកឲ្យដឹងថាៈ អ្វីៗដែលយើងខ្ញុំបានរកឃើញនោះ គឺការបរិភោគបាយស (អង្ករសម្រិត) វាបង្កនូវការប្រឈមជាមួយរោគទឹកនោមផ្អែមប្រភេទII ពិសេនៅទ្វីអាស៊ី។ក្នុងរបាយការណ៍ ដែលបានចុះផ្សាយលើទស្សនាវដ្តីវេជ្ជសាស្រ្តអង់គ្លេស ក្រុមស្រាវជ្រាវរបស់លោក Sun លើកឡើងថា បានរកឃើញទំនាក់ទំនងខាងលើ ក្រោយការវិភាគឯកសារដែលគេបានដំណើរការមុននោះ នៅអាមេរិក ជប៉ុន ចិន និងអូស្រ្តាលី។
ការសិក្សានេះ បានធ្វើការតាមដានលើមនុស្ស ៣៥០.០០០ នាក់ ក្នុងរយៈពេលពី ៤ឆ្នាំ ទៅ ២២ឆ្នាំ ក្នុងនោះមានអ្នកកើតជំងឺទឹកនោមផ្អែម ១៣.០០០ នាក់។
ការសិក្សា នោះ បានបង្ហាញថា នៅជប៉ុន និង ចិន ដែលមនុស្សបរិភោគបាយសច្រើនបំផុត មានការប្រឈមនឹងជំងឺទឹកនោមផ្អែមប្រភេទII ឡើងដល់កំរិត ៥៥% ក្នុងពេលដូចគ្នា គ្រោះប្រឈមនៅអាមេរិក និងអូស្ត្រាលី ដែលបរិភោគអង្ករសម្រិតតិចជាងច្រើននោះ មានអត្រាតែ ១២% ប៉ុណ្ណោះ។
អ្នកចូលរួម ក្នុងការសិក្សានេះ នៅជប៉ុន និង ចិន ដែលជាធម្យមបរិភោគបាយ ពី ៣ ទៅ ៤ លើក/ថ្ងៃ ប្រៀបនឹងអ្នកនៅលោកខាងលិច ដែលបរិភោគតែ ១ ទៅ ២ លើក/ថ្ងៃ។
ទោះយ៉ាងណា ពួកអ្នកស្រាវជ្រាវ បានផ្តល់ដំបូន្មានថា គួរជៀសវែងអាហារដែលមានស្តុកជាតិបង្កើតស្ករខ្ពស់ និងសារធាតុខ្លាញ់ច្រើន៕
0 comments:
Post a Comment