ដោយ ៖ ម៉ៅ បុប្ផាមករា
ថ្ងៃទី 12-03-2011 ម៉ោង 14:48:45
កន្លង មកមិនដែលមានព័ត៌មានណាមួយដែលចុះផ្សាយថា មានអ្នកស្លាប់ដោយសារការចាក់វ៉ាក់សាំងការពាររោគនោះទេ គឺទើបតែពេលពេលថ្មីៗនេះមាន ព័ត៌មានមួយចុះផ្សាយថា មានកុមារចំនួន៤នាក់បាត់បង់ជីវិតដោយសារការចាក់វ៉ាក់សាំងការពារ រោគ។ តែចំពោះករណីនេះ ក្រុមគ្រូពេទ្យបានស្រាវជ្រាវ និងវិនិច្ឆ័យដោយបញ្ជាក់ប្រាប់ថា រឿងនេះមិនមែនជាការពិតនោះទេ ហើយក៏មិនមានករណីណាមួយបណ្ដាលឱ្យកុមារដែលទទួលវ៉ាក់សាំងដល់ ថ្នាក់បាត់បង់ជីវិតនោះដែរ។
វេជ្ជ បណ្ឌិតមួយរូបបានអះអាងថា ករណីស្លាប់របស់កុមារដែលបានទទួលការចាក់វ៉ាក់សាំងផលិតនៅ ប្រទេស ជប៉ុនចំនួន៤នាក់នោះ គឺជារឿងមិនពិតទាល់តែសោះ ហើយយើងក៏បានស្រាវជ្រាវអំពីមូលហេតុនេះដែរ ដោយលទ្ធផលបានបញ្ជាក់ថា ការស្លាប់របស់កុមារមិនមែនទាក់ទិននឹងការប្រើប្រាស់វ៉ាក់សាំង នោះទេ វាអាចមានករណីផ្សេងៗទៀត។
ក្រុមអ្នកស្រាវជ្រាវមកពីក្រសួងចំណីអាហារ និងឱសថសហរដ្ឋអាមេរិក ហៅកាត់ថា “FDA” បាន និយាយថា កុមារដែលរងគ្រោះ និងបានស្លាប់បាត់បង់ជីវិតប៉ុន្មាននាក់កន្លងមកថ្មីៗនេះ នៅសហរដ្ឋអាមេរិក មិនមែនជាប់ពាក់ព័ន្ធនឹងការចាក់វ៉ាក់សាំងការពាររោគ នោះឡើយ។
អ្នក នាំពាក្យមួយរូបមកពីក្រសួងខាងលើបាននិយាយថាបញ្ហាដែលបង្កឱ្យ អ្នករងគ្រោះស្លាប់បណ្ដាលមកពីអ្នកជំងឺមានរោគសញ្ញា និងអាការៈធ្ងន់ធ្ងរ លើផ្លូវដង្ហើមហេតុនេះហើយទើបអាចបណ្ដាលឱ្យស្លាប់បានក្រោយពី ទទួលការចាក់វ៉ាក់សាំងរួច។
ក្រុម អាជ្ញាធរត្រួតពិនិត្យសុខភាពរបស់ប្រទេសជប៉ុន បានធ្វើការស៊ើបអង្កេត និងតាមដានអំពីមូលហេតុនេះដែរ ហើយក្រោយមកទើបពួកគេសន្និដ្ឋានថា រឿងហេតុមួយនេះមិនមែនកើតចេញពីការប្រើប្រាស់វ៉ាក់សាំងការពារ ជំងឺនោះឡើយ។
សូម បញ្ជាក់ថា វ៉ាក់សាំងមានច្រើនប្រភេទ និងមានសកម្មភាពខុសគ្នាវាអាស្រ័យទៅលើការផលិត និងតម្រូវទៅលើរោគមួយចំនួនដែលបង្កឡើងដោយបាក់តេរី ឬវីរុស តែវ៉ាក់សាំងមិនអាចបង្កគ្រោះថ្នាក់ខ្លាំងដល់អាយុជីវិតនោះឡើយ ។
មាន ព័ត៌មានមួយចុះផ្សាយថា កុមារដែលមានវ័យមិនដល់៦ខែហើយ ទទួលការចាក់វ៉ាក់សាំងការពាររោគ ស្រាប់តែពួកគេទទួលរងគ្រោះ និងផ្ទុះជំងឺឡើង ហើយចុងក្រោយពួកគេបានបាត់បង់ជីវិតតែម្ដង។ ដោយសារតែមានករណីបែបនេះហើយទើបមានការបកស្រាយ និងស្រាវជ្រាវបន្ថែមលើករណីបែបនេះ។
ការផ្ដល់វ៉ាក់សាំងដែលផលិតពីប្រទេសជប៉ុននៅចន្លោះថ្ងៃទី២-៤ខែ មីនា កន្លងមកនេះមានកុមារ៤នាក់បានបាត់បង់ជីវិត ដែលចំណុចនេះគេសន្និដ្ឋាន ថាមកពីវ៉ាក់សាំងនេះឯង។ តែបើតាមការស្រាវជ្រាវបានរកឃើញថា នេះមិនមានអ្វីទាក់ទិននឹងរោគបង្កឡើងដោយ សារវ៉ាក់សាំងនោះទេ៕
![Highslide JS](http://www.nokorwatnews.com/files/120311vaccinefor-children.jpg)
0 comments:
Post a Comment