ដោយ ៖ ម៉េវ សាធី
ថ្ងៃទី 12-03-2011 ម៉ោង 13:18:04
នាង Sarah White អាយុ ២៤ឆ្នាំ ជាគ្រូពេទ្យសសៃប្រសាទនៅទីក្រុងញូវយ៉ក សហរដ្ឋអាមេរិកបានបើកគ្លីនិកព្យាបាល ដល់អ្នកជំងឺដែលមានបញ្ហាផ្លូវចិត្ដ ដោយនាងអង្គុយនិយាយជាមួយអ្នកដែលមានជំងឺនោះ ដោយនៅលើខ្លួនគ្មាន ក្រណាត់មួយផ្ទាំងណាបិទបាំងរាងកាយឡើយ។
នាង Sarah បាន សិក្សាផ្នែកវិទ្យាសាស្ដ្រ និងស្រាវជ្រាវពីជំងឺផ្លូវចិត្ដសសៃប្រសាទ។ នាងចាត់ទុកខ្លួនឯងថា ជាមនុស្សមានសមត្ថភាព ស្ដាប់ និងផ្ដល់ជំនឿចិត្ដដល់អ្នកដែលមានវិបត្ដិ មានបញ្ហាសសៃប្រសាទ បានជានាងសម្រេចចិត្ដក្លាយទៅជាអ្នកធ្វើសម្ភាសន៍ ចែករំលែកជាមួយអ្នកដែលមានជំងឺ។ ដើម្បីឱ្យការព្យាបាលជំងឺផ្លូវចិត្ដកាន់តែមានប្រសិទ្ធភាព នាងសម្រេចចិត្ដអាក្រាតកាយទាំងស្រុង ដើម្បីជជែកគ្នា ជាមួយអ្នកជំងឺទាក់ទាញការចាប់អារម្មណ៍ពីអ្នកជំងឺ កុំឱ្យផ្ដោតអារម្មណ៍រវើរវាយទៅកន្លែងផ្សេង។
នាង Sarah និយាយ ថា “ខ្ញុំគិតថា ជជែកគ្នាជាមួយអ្នកមានជំងឺដោយអាក្រាតកាយនោះនឹងធ្វើឱ្យអ្នកនោះ ផ្ដោតការយកចិត្ដទុកដាក់ជាង ពិសេស អ្នកជំងឺជាបុរស។ ពេលនោះ ពួកគេនឹងផ្ដោតមើលរាងកាយអាក្រាតដ៏ស្រស់ស្អាតរបស់ខ្ញុំ ហើយស្ដាប់នូវអ្វីដែលខ្ញុំបាននិយាយទៅកាន់ពួកគេដោយយកចិត្ដ ទុកដាក់។ ខ្ញុំបានសាកល្បងវិធីសាស្ដ្របែបនេះហើយៗអ្នកដែលបានពិភាក្សា ជាមួយខ្ញុំបានធូរស្បើយ គ្មានអារម្មណ៍តានតឹងដូចពីមុនឡើយ។
តាមសារព័ត៌មាន NY daily បាន ផ្សព្វផ្សាយថា ភាគច្រើននៃជំនួបពិភាក្សាជាមួយនាង្សារាហគឺត្រូវធ្វើឡើងតាម ប្រព័ន្ធអ៊ីនធឺណេត ហើយត្រូវតែមានការកក់ទុកមុន ទើបអាចជួបពិភាក្សាដោយផ្ទាល់ជាមួយនាងបាន។ អ្នកជំងឺរបស់នាងភាគច្រើនជាបុរស ដែលមមាញឹកក្នុងការងារជួបបញ្ហាស្មុគស្មាញ ក៏ដូចជានិស្សិតដែលមានបញ្ហាក្នុងការសិក្សា។ តម្លៃពិភាក្សារយៈពេល២ម៉ោងជាមួយអ្នកជំងឺ៣០០ដុល្លារ៕
0 comments:
Post a Comment