ដោយ ៖ ម៉ៅ បុប្ផាមករា
ថ្ងៃទី 25-02-2011 ម៉ោង 17:09:40
ផ្អែក តាមការសិក្សាមួយបានបង្ហាញឱ្យដឹងថា ការប្រែប្រួលអាកាសធាតុពីក្ដៅទៅត្រជាក់ វាបានបង្កឱ្យមានប្រតិកម្មនៅលើស្បែក និងធ្វើឱ្យសុខភាពចុះខ្សោយទៀតផង។
ក្រុម អ្នកស្រាវជ្រាវមួយចំនួននៅសហរដ្ឋអាមេរិក និងនៅកាណាដា បានលើកឡើងថា បម្រែបម្រួលអាកាសធាតុពីក្ដៅ ហើយក្រោយមកប្រែជាចុះត្រជាក់វិញនោះ វាបានបង្កឱ្យកើតមានប្រតិកម្មនៅលើស្បែក និងធ្វើឱ្យសុខភាពចុះខ្សោយ ហើយបញ្ហានេះបានកើតមានឡើងនៅអាមេរិកខាងជើង និងនៅប្រទេសកាណាដាដែលរងនូវសម្ពាធខ្ពស់ពីកំដៅព្រះអាទិត្យ មិនតិចជាង២៥ថ្ងៃ ហើយក្រោយមកតំបន់មួយចំនួននៅក្នុងប្រទេសទាំងពីរបានប្រែជាចុះ ត្រជាក់វិញ ដែលករណីនេះបង្កឱ្យមានប្រតិកម្ម និងរោគផ្សេងៗកើតមានឡើងតែម្ដង។
តាម ការសិក្សាស្រាវជ្រាវបានឱ្យដឹងទៀតថា នៅពេលដែលកំដៅកើនឡើងកាន់តែខ្ពស់ប្រតិកម្មនៅលើស្បែករបស់មនុស្ស ក៏លេចឡើងដែរ ហើយនៅពេលដែលមានអាកាសធាតុចុះត្រជាក់ខ្លាំងវិញនោះក៏មាន ប្រតិកម្មដូចគ្នានេះដែរ។
បើ តាមការតាមដានអំពីកំដៅដែលកើនឡើង និងមានសម្ពាធត្រជាក់លេចឡើងបន្ទាប់ពីកំដៅថយចុះនៅក្នុងតំបន់ មួយចំនួននៅក្នុងប្រទេសកាណាដា និងនៅអាមេរិកខាងជើង ត្រូវបានក្រុមអ្នកស្រាវជ្រាវរកឃើញថា ស្ថិតិដែលមានកម្រិតខ្ពស់ជាងគេគឺគិតចាប់តាំងពីឆ្នាំ១៩៩៥ ដែលមានករណីបែបនេះកើតមានឡើងពីមួយថ្ងៃទៅមួយថ្ងៃ ហើយបញ្ហានេះនៅតែមានកម្រិតខ្ពស់ដដែលសម្រាប់បច្ចុប្បន្ននេះ។
យោង តាមការស្រាវជ្រាវបានឱ្យដឹងទៀតថា ការប្រែប្រួលអាកាសធាតុវាមិនត្រឹមតែធ្វើឱ្យមានប្រតិកម្មនៅលើ ស្បែក និងធ្វើឱ្យសុខភាពចុះខ្សោយនោះទេ សូម្បីតែការរស់នៅក៏មានសភាពលំបាកដែរ ហើយនឹងមានរោគផ្សេងៗមកយាយីមិនខាន។ ពិសេសនៅពេលដែលអាកាសធាតុប្រែពីក្ដៅទៅត្រជាក់ខ្លាំងវិញនោះ រោគម្យ៉ាងដែលគេឱ្យឈ្មោះថាផ្ដាសាយនឹងកើតឡើងគ្រប់ពេលបន្ទាប់ ពីការប្រែប្រួលនេះកើតមានឡើង។
ក្រុម អ្នកស្រាវជ្រាវបានរកឃើញ ផងដែរថា នៅពេលដែលអាកាសធាតុ ចុះត្រជាក់នោះ ជំងឺទាំងឡាយបានចាប់ផ្ដើមរាត្បាតក្នុងនោះជំងឺផ្លូវដង្ហើមជា មុខព្រួញមួយដែលតែងតែកើតមានឡើងជាប្រចាំ ហើយដល់ដំណាក់កាលមួយនឹងឈានដល់ការកើតជំងឺម្យ៉ាង ដែលគេឱ្យឈ្មោះថា “ហឺត”។
ក្រុម អ្នកស្រាវជ្រាវបានបន្ដថា ការប្រែប្រួលបែបនេះ វាមិនត្រឹមតែធ្វើឱ្យមានជំងឺផ្សេងៗកើតឡើងបានដោយងាយនោះទេ សូម្បីតែការរីកលូតលាស់ របស់មេរោគក៏រីកសាយភាយខ្លាំងក្លាជាងការកើនឡើងកំដៅខ្លាំង ណាស់ដែរ ព្រោះនៅពេលក្ដៅខ្លាំងមេរោគអាចងាប់បាន ហើយមិនសូវរីកលូតលាស់ឡើយ តែបញ្ហាកើតឡើងលើស្បែកជាក្ដីកង្វល់មួយដែលនឹងអាចឈានដល់ដំណាក់ កាលធ្ងន់ធ្ងរ ហើយអាចប្រែក្លាយទៅជា រោគមហារីកបានទៀតផង៕
![Highslide JS](http://www.nokorwatnews.com/files/250211climatechangeskin.jpg)
0 comments:
Post a Comment