ដោយ ៖ ម៉ៅ បុប្ផាមករា
ថ្ងៃទី 09-02-2011 ម៉ោង 16:16:29
យោង តាមការសិក្សា និងស្រាវជ្រាវថ្មីមួយបានឱ្យដឹងថាវិធីលាយ ឬការដាក់បញ្ចូលឱសថក្នុងការព្យាបាលដល់អ្នកជំងឺកើតរោគមហារីក អាចធ្វើឱ្យអត្រាស្លាប់មានការកើនឡើងខ្ពស់។
ផ្អែក តាមការចុះផ្សាយមួយពីសមាគមឱសថសាស្ដ្រនៅសហរដ្ឋអាមេរិក បានឱ្យដឹងថា ការប្រើប្រាស់ឱសថដែលមានលាយបញ្ចូលគ្នាច្រើនមុខ ហើយយកមកព្យាបាលរោគមហារីកដល់អ្នកជំងឺ លទ្ធផលបង្ហាញយ៉ាងច្បាស់ថានឹងរងផលប៉ះពាល់ច្រើនទៅវិញ ពោលគឺធ្វើឱ្យអត្រាស្លាប់មានកម្រិតកើនខ្ពស់ទៀតផង។
ក្រសួង ចំណីអាហារ និងឱសថសហរដ្ឋអាមេរិក បានឱ្យដឹងដែរថា ការប្រើប្រាស់ឱសថសម្រាប់ព្យាបាលរោគមហារីកត្រូវបានគេហាមឃាត់ ពិសេសនៅពេលដែលមានលាយឬ ដាក់បញ្ចូលគ្នា ដែលលទ្ធផលបានបង្ហាញថានឹងមិនមានផលល្អសម្រាប់អ្នកជំងឺមហារីក នោះឡើយ។
គេ បានសង្កេតឃើញថា អ្នកជំងឺមហារីកដែលអាចប្រឈមមុខនឹងគ្រោះថ្នាក់ខ្លាំងជាងគេនោះ គឺអ្នកជំងឺដែលកើតរោគមហារីកសុដន់។ នៅពេលដែលគេបានប្រើប្រាស់ឱសថលាយបញ្ចូលគ្នាច្រើន វាបង្កជាបញ្ហាខ្លាំងឡើងទៅវិញ។
តាម ការស្រាវជ្រាវបានបញ្ជាក់ថា នៅពេលដែលប្រើប្រាស់ឱសថច្រើនប្រភេទ វាមិនបានផ្ដល់ផលល្អសម្រាប់ការព្យាបាលរោគមហារីកនោះទេ។ ផ្ទុយទៅវិញ វាបែរជាបង្កបញ្ហាធ្ងន់ធ្ងរកាន់តែខ្លាំងឡើងដល់អ្នកជំងឺ ហើយបញ្ហានេះមិនអាចទប់ស្កាត់បានទៀតផង។
ការ សិក្សាបានបន្ដឱ្យដឹងថា កម្រិតនៃការរីករាលដាលរោគមានកម្រិតខុសគ្នា ហើយនៅពេលដែលការព្យាបាលមិនបានចំគោលដៅវាបង្កបញ្ហាទៅវិញ ទេ។ ក្នុងនោះមានពពួកមហារីកកោសិកាតែម្ដងដែលវាទទួលរងផលប៉ះពាល់ ខ្លាំង តាមរយៈការប្រើប្រាស់ឱសថមិនបានត្រឹមត្រូវ។
ក្រុម អ្នកវិភាគ និងស្រាវជ្រាវមួយចំនួនបានលើកឡើងថា អ្នកជំងឺដែលរងបញ្ហាមានចំនួនច្រើនគឺមិនតិចជាង១០ ពាន់នាក់ដែលប្រឈមមុខនឹងការទទួលរងផលប៉ះពាល់ដោយសារប្រើប្រាស់ឱ សថដាក់បញ្ចូលគ្នា និងច្រើនមុខ៕
0 comments:
Post a Comment