ដោយ ៖ ម៉ៅ បុប្ផាមករា
ថ្ងៃទី 22-04-2011 ម៉ោង 17:33:28
ផ្អែក តាមការសិក្សាថ្មីមួយបានកត់សម្គាល់ និងបញ្ជាក់ថា កុមារដែលចូលចិត្ដលេងតន្ដ្រី ឬលេងអ្វីដែលធ្វើឱ្យពួកគេមានអារម្មណ៍សប្បាយរីករាយច្រើនវាអាច ជួយឱ្យខួរក្បាលរីកលូតលាស់ បានប្រសើរនិងធ្វើឱ្យសុខភាពរឹងមាំទៀតផង។
តាម ធម្មតាកុមារចូលចិត្ដធ្វើអ្វីៗដែលគេចង់ធ្វើ ហើយមានកុមារខ្លះកាលនៅតូចចូលចិត្ដមុខជំនាញនេះ ឬមុខជំនាញនោះ ដោយការលេងរបស់របរមានលក្ខណៈប្លែកៗពីគ្នា។ ក្នុងនោះមានកុមារខ្លះលេងរៀបរបស់របរដែលប្លែកៗ មានកុមារខ្លះទៀតចូលចិត្ដមើលសៀវភៅហើយមានកុមារខ្លះទៀតលេងរឿង វាយតប់គ្នា។ ប៉ុន្ដែកុមារដែលចូលចិត្ដលេងដូចជាការប្រគំតន្ដ្រីជាដើម និងអ្វីដែលធ្វើឱ្យពួកគេសប្បាយក្នុងចិត្ដលទ្ធផលនៃការតាម ស្រាវជ្រាវបានរកឃើញថា អ្នកទាំងនោះមានការរីកលូតលាស់ផ្នែកខួរក្បាលបានប្រសើរ ហើយពួកគេមានការវិវឌ្ឍផ្នែកខួរក្បាលប្រសើរជាងកុមារផ្សេងទៀត ។
បើ តាមការបកស្រាយរបស់សមាគមចិត្ដវិទ្យាអាមេរិកាំង ហៅកាត់ថា “អេភីអេ” បានឱ្យដឹងថា ការសិក្សាលើមនុស្សវ័យចាស់ចំនួន៧០នាក់ ដោយផ្អែកលើការសាកសួរសំណួរជាច្រើនទាក់ទិននឹងដំណើរការកាលពីវ័ យកុមារភាព ពួកគេដែលមានវ័យពី៦០-៨៣ឆ្នាំ បានឆ្លើយថា ពួកគេចូលចិត្ដលេងប្រគំតន្ដ្រីខ្លាំងណាស់ ហើយនឹងធ្វើអ្វីៗដែលជារឿងមួយសប្បាយចិត្ដទៀតផង។
ឆ្លង តាមការសិក្សាស្រាវជ្រាវនេះដែរ លទ្ធផលបានបង្ហាញឱ្យដឹងថា បើទោះបីជាពួកគេមានវ័យចំណាស់បែបនេះមែន តែការចងចាំ និងប្រព័ន្ធខួរក្បាលមានលក្ខណៈប្រសើរនៅឡើយ បើប្រៀបធៀបនឹងការវាស់ស្ទង់និងសាកសួរមនុស្សដែលវ័យដូចគ្នា។ តែពួកគេមានចំណង់ចំណូលចិត្ដមិនដូចអ្នកទាំង៧០នាក់ នោះពួកគេមានការភ្លេចភ្លាំងច្រើន ហើយប្រព័ន្ធខួរក្បាលក៏មិនសូវចងចាំល្អនោះដែរ។
ក្រុម អ្នកស្រាវជ្រាវបានបន្ដថាអ្វីដែលពួកគេចង់បានគឺឱ្យកុមារភាគ ច្រើនលេងអ្វីដែលទាក់ទិននឹងការប្រើប្រាស់ឧបករណ៍តូរតន្ដ្រី និងវិស័យសិល្បៈឱ្យបានច្រើន វាជាគុណសម្បត្ដិមួយដែលធ្វើឱ្យពួកគេទទួលបានសុខភាពល្អ បរិបូរណ៍មានការរីកលូតលាស់ផ្នែកខួរក្បាលប្រសើរជាងការលេងអ្វី ដែលប្លែកៗពីនេះ។
ក្រុម អ្នកស្រាវជ្រាវក៏ផ្ដល់អនុសាសន៍មួយចំនួនដល់អាណាព្យាបាលទាំងឡាយ ថា គួរតែណែនាំកុមារឱ្យលេងរបស់របរណាដែលធ្វើឱ្យពួកគេមានអារម្មណ៍ រីករាយពិសេសដូចជាការបង្ហាត់ឱ្យចេះលេងឧបករណ៍ភ្លេងដែលសាមញ្ញ និងធ្វើឱ្យកុមារអាចលេងបានហើយងាយស្រួលចងចាំផង។ លើសពីនេះ ឱពុកម្ដាយគួរតែសម្គាល់អំពីអត្ដចរិតកូនៗផងដែរនៅពេលដែល កុមារទាំងនោះត្រូវការអ្វីមួយដែលពួកគេអាចទទួលយកបាន៕
0 comments:
Post a Comment