ដោយ ៖ ម៉ៅ បុប្ផាមករា
ថ្ងៃទី 20-01-2011 ម៉ោង 15:40:56
ក្រុម វេជ្ជបណ្ឌិតមួយចំនួននៅក្នុងប្រទេសសិង្ហបុរីបានលើកឡើងថា សុខភាពជាកត្ដាសំខាន់ណាស់សម្រាប់មនុស្សគ្រប់រូប មិនថាចាស់ ឬក្មេងឡើយ ក្នុងនោះសុខភាពផ្លូវភេទជាកត្ដាមួយ ដែលចាំបាច់ត្រូវគិតគូរផងដែរ ក្នុងចំណោមកត្កាជាច្រើនទៀតដែលធ្វើឱ្យ រាងកាយទទួលបានការរីកលូតលាស់។
ក្រុម អ្នកស្រាវជ្រាវជាន់ខ្ពស់របស់ប្រទេសនេះបានរកឃើញផលប៉ះពាល់ទៅ នឹងបញ្ហាផ្លូវភេទ និងការទទួលបានផលល្អដើម្បីបង្កើនដល់ផ្លូវភេទ ក៏ដូចជាទទួលបានសុខភាពល្អផងដែរ។
ជាមួយ គ្នានេះ ក្រុមអ្នកស្រាវជ្រាវបានធ្វើការសង្កេតអំពីបញ្ហាដែលកើតឡើងទៅលើ ផ្លូវភេទរវាងបុរស និងស្ដ្រីក្នុងនោះ ក្រុមអ្នកស្រាវជ្រាវបានរក ឃើញថា ឬសគល់នៃការបង្កបញ្ហាលើផ្លូវភេទមានច្រើនយ៉ាងណាស់ តែអ្វីដែលគេកត់សម្គាល់មុនគេគឺអារម្មណ៍តែម្ដង ហើយអារម្មណ៍នេះវាជាការ កើតឡើងដែលទាក់ទិននឹងប្រព័ន្ធសរសៃប្រសាទ។
យោង តាមផ្នែកវេជ្ជសាស្ដ្រមួយចំនួនបានបកស្រាយថា បញ្ហាផ្លូវភេទកើតឡើងដោយឯកឯងតាមធម្មជាតិនេះ មានន័យថា វាកើតឡើងតាមរយៈការ បញ្ជាពីខួរក្បាល ហើយចំណុចនេះនឹងបាត់ទៅវិញក៏ដោយសារតែខួរក្បាលដែរ ហើយមិនមាននរណាម្នាក់អាចបញ្ជាវាបានឡើយ គឺមានតែអ្នកខ្លួនឯង ទេដែលអាចដឹងច្បាស់ថា នឹងត្រូវធ្វើបែបណានោះ។
ក្រុម វេជ្ជបណ្ឌិតផ្នែកសុខភាពផ្លូវភេទបានលើកឡើងថា បញ្ហាផ្លូវភេទមិនសំដៅតែទៅលើការរួមភេទតែមួយមុខដែលជួបបញ្ហា នោះទេ វាជាករណីមួយដែលកើតចេញពីអាការៈរោគផងដែរ ហើយចំណុចនេះនៅមិនទាន់បានដឹងច្បាស់ថា វាកើតចេញនៅត្រង់ចំណុចណាមុនទេ ឬមិនដឹងថាមកពីបុរស ឬស្ដ្រីនោះឡើយ តែយើងអាចដឹងបាននៅពេលដែលយើងយក ឌីអិនអេ របស់បុរស ឬស្ដ្រីនោះមកពិនិត្យ ទើបអាចដឹងថា បញ្ហាមកពីខាងបុរស ឬមកពីស្ដ្រី។
បញ្ហា ផ្លូវភេទកន្លងមកត្រូវបានឯកសារចាស់ៗមួយចំនួនអះអាងថា គឺមិនមែនកើតចេញដោយភ្លាមៗនោះទេ ឧទាហរណ៍សម្រាប់គូស្នេហ៍មួយគូដែល ពួកគេទើបរៀបការនឹងគ្នាថ្មីថ្មោង ដោយពួកគេបានរួមមេត្រីនឹងគ្នា លុះក្រោយមកពួកគេចង់បានកូន តែរហូតដល់២-៣ឆ្នាំហើយ ពួកគេមិនអាច មានគភ៌ទៀត។
ទាក់ទិន នឹងចំណុចនេះដែរ តាមឯកសារបានបញ្ជាក់ថា វាអាចកើតចេញពីភាគីបុរសច្រើនដោយគេចោទថា បើសិនបុរសមិនមានសមត្ថភាព គ្រប់គ្រាន់ទេនោះ គឺមិនអាចមានកូនបានទេ តែនៅពេលពិនិត្យទៅលើភាគីបុរសទើបដឹងថា បុរសមានសមត្ថភាព គ្រប់គ្រាន់គឺមិនមានបញ្ហាផ្លូវភេទកើតឡើងឡើយ។ ហេតុនេះក្រុមអ្នកស្រាវជ្រាវបានតាមដាន និងពិនិត្យទៅលើស្ដ្រីវិញទើបអាចដឹងថា ភាគីខាងស្រីជាអ្នកមានបញ្ហា ពីព្រោះស្បូនរបស់នាងមិនអាចមានកូនបានទេ ដោយនាងមានជំងឺម្យ៉ាងដែលគេឱ្យឈ្មោះថា រលូតកូន ឬមិនមានកូន បើទោះបីជាបុរសមានសមត្ថភាពក្នុងការបន្ដពូជជាមួយនាងក៏ដោយ។
ដោយសារ តែហេតុផលនេះហើយ ទើបក្រុមអ្នកស្រាវជ្រាវបានបន្ដតាមដាន និងរកឃើញថា ពេលពិនិត្យក្រុមស្ដ្រីទាំងនោះក៏គ្មានបញ្ហា ហើយបុរសក៏គ្មានបញ្ហាដែរ ចុះហេតុអ្វីក៏ពួូកគេមិនអាចមានគភ៌បាន ចំណុចនេះវា ស្ថិតនៅលើការរួមមេត្រីមិនចំពេលវេលាទើបបានជាដូច្នេះ។ តែក្រោយមកគេបានរកឃើញទៀតថា ពួកគេមានសភាពធម្មតា និងទទួលបានការណែនាំដូចដែលក្រុមគ្រូពេទ្យបានផ្ដល់អនុសាសន៍ តែពួកគេនៅតែមិនអាចមានគភ៌ទៀត។ ចំពោះករណីនេះ ក្រុមអ្នកស្រាវជ្រាវបានបញ្ជាក់ទៀតថា ចំណុចនេះវាអាចកើតឡើងដោយចៃដន្យតែប៉ុណ្ណោះ ហើយជាករណីកម្រណាស់តែភាគច្រើន ពិសេសបច្ចុប្បន្ននេះអ្នកដែលប្រឈមមុខនឹងបញ្ហាផ្លូវភេទគឺច្រើន កើតលើស្ដ្រី ហើយការវះកាត់និងការរិះរកគ្រប់មធ្យោបាយបែបណាក៏នៅមិនអាចជួយ ពួកគេបាន។
ប៉ុន្ដែ គេបានដឹងច្បាស់ថា បញ្ហាអាចកើតឡើងដោយការប្រើប្រាស់ថ្នាំពន្យារកំណើតលើសអាយុកាល ប្រើប្រាស់ និងហួសពេលកំណត់ទើបមានបញ្ហាបែបនេះឡើង ហើយបញ្ហាសំខាន់ស្ដ្រីអាចមានជំងឺរលូតកូន និងជំងឺឆ្លងដែលធ្វើឱ្យមានបញ្ហាបែបនេះ។ ប៉ុន្ដែទោះបីជាពុំទាន់មានឯកសារណាមួយបញ្ជាក់ថា នឹងអាចរកវិធីអ្វីទប់ស្កាត់បញ្ហាខាងលើនេះបានមែន តែប្រការសំខាន់ការពិនិត្យសុខភាពជាប្រចាំ គឺជាចំណុចមួយដែលគួរចងចាំ ព្រោះវាអាចចៀសវាងជំងឺឆ្លងដែលប៉ះពាល់ដល់សុខភាពផ្លូវភេទបាន មួយកម្រិតដែរ។ បើទោះបីជាមានបញ្ហាក៏អាចទប់ស្កាត់ជាមុនបានខ្លះដែរ វាប្រសើរជាងទុកឱ្យរោគទាំងនោះបង្កកាន់តែខ្លាំង និងមិនអាចមានវិធីសាស្ដ្រអ្វីដោះស្រាយបាន។
ចំពោះ ករណីនេះដែរ វាជាផលប៉ះពាល់ដល់អារម្មណ៍នៃដៃគូដែលនៅជាមួយគ្នា និងអាចឈានដល់ដំណាក់កាលបែកបាក់គ្នាទៀតផង ដោយសារតែមានបញ្ហាផ្លូវភេទបែបនេះ៕